Aq úı Tramptyń Gazadaǵy jaǵdaıdy retteýge arnalǵan josparyn jarııa etti

ASTANA. KAZINFORM — Qujat soǵysty dereý toqtatýdy, tutqyndarmen almasýdy jáne Gazany halyqaralyq komıtettiń ýaqytsha basqarýyn qarastyrady, dep habarlaıdy Anadoly.

Aq úı AQSh prezıdenti Donald Tramp ázirlegen «Gazadaǵy qaqtyǵysty toqtatýdyń jan-jaqty jospary» dep atalatyn 20 tarmaqtan turatyn usynysty jarııalady.

Aq úı málimdemesinde, bul jospardy eki tarap ta qabyldasa, «jaýlasý dereý toqtatylady» jáne Izraıl kúshteri «tutqyndardy bosatýǵa daıyndalý úshin keńesedi» dep atap ótti. Osy kezeńde áýe shabýyldary men artıllerııalyq atqylaý toqtatylady. Aldyńǵy shep «áskerlerdi tolyq, kezeń-kezeńimen shyǵarý» jaǵdaıy jasalǵanǵa deıin saqtalady.

Qujatta tiri jáne ólgen tutqyndar Izraıldiń resmı kelisiminen keıin 72 saǵat ishinde qaıtarylady dep jazylǵan. Onyń ornyna Izraıl 2023 jylǵy 7 qazandaǵy oqıǵadan keıin ómir boıyna bas bostandyǵynan aıyrylǵan 250 tutqyndy, sondaı-aq áıelder men balalardy qosqanda 1700 palestınalyqty bosatady.

Osy almasýdan keıin qarýsyz jáne beıbit ómir súrýge kelisken palestınalyq Hamas qozǵalysynyń músheleri raqymshylyqqa ıe bolady. Gazadan ketkisi keletinderge olardy qabyldaýǵa daıyn elderge qaýipsiz ótý múmkindigi beriledi.

Budan buryn Tramp pen Netanıahý Gazadaǵy soǵysty toqtatý týraly kelisimge keldi.