Aq úı Tramp pen Pýtın kezdesýiniń maqsatyn atady
ASTANA. KAZINFORM — 15 tamyz kúni Ankorıdj qalasynda (Alıaska) AQSh pen Reseı prezıdentteri Donald Tramp pen Vladımır Pýtınniń kezdesýi ótedi, dep habarlaıdy TASS.
Bul týraly Aq úıdiń baspasóz hatshysy Kerolaın Lıvıtt málimdedi.
Onyń aıtýynsha, juma kúni tańerteń AQSh prezıdenti búkil eldi kesip ótip, Reseı basshysymen ekijaqty kelissózder ótkizý úshin jolǵa shyǵady.
— Bul kezdesýdegi prezıdenttiń basty maqsaty – osy soǵysty qalaı toqtata alatynymyzdy tereńirek túsinip qaıtý, — dedi Lıvıtt Ýkraınadaǵy qaqtyǵys týraly aıta otyryp.
Eske salaıyq, ótken aptada Tramp 15 tamyzda Alıaskada Pýtınmen kezdesetinin habarlaǵan bolatyn.
Ankorıdj qalasynda kelissózder aldynda qaýipsizdik sharalary kúsheıtilgeni belgili boldy.
