Aq úı Saýdııamen qarý-jaraq jetkizilimi týraly úlken mámilege otyrmaq
ASTANA. Qazannyń 21-i. QazAqparat - Obamanyń ákimshiligi sársenbi kúni AQSh Kongresin Saýd Arabstanymen qarý jaraq jetkiziliminiń amerıka tarıhyndaǵy eń úlken mámilesin jasaý jospary týraly resmı habardar etti.
Mámileniń quny 60 mıllıard dollarǵa baǵalanyp otyr. Bul týraly arnaıy brıfıngte jýrnalısterge Qorǵanys mınıstriniń halyqaralyq qaýipsizdik máseleleri jónindegi orynbasary Aleksandr Vershboý men AQSh memlekettik hatshysynyń áskerı-saıası ister jónindegi kómekshisi Endrıý Shapıro málim etti, dep habarlaıdy ITAR-TASS.
Resmı ókilderdiń aıtýynsha, Saýdııaǵa 84 F-15 shabýyldaýshy ushaqtary, 70 «Apach», 72 - «Blek hok», 36 - «Lıttl berd» tikushaqtary, sondaı-aq MD-530F jattyǵý mashınalary satylmaq. Sondaı-aq amerıkan taraby Saýdııanyń qazir qoldanysyndaǵy 70 F-15 ushaǵyn jańartyp bermek.
AQSh úkimetiniń kózqarasynsha, bul josparlanyp otyrǵan mámile «aımaqtaǵy negizgi seriktespen áskerı baılanystardy tereńdetý arqyly Parsy shyǵanaǵy aýmaǵyndaǵy qaýipsizdikti qoldaýǵa» baǵyttalyp otyr. Olardyń aıtýynsha, jańa kelisimshart «strategııalyq turǵydan úlken mańyzǵa ıe».
