Aq úı Reseı men AQSh prezıdentteriniń Alıaskadaǵy kezdesýin tarıhı dep atady
ASTANA. KAZINFORM – Aq úı H áleýmettik jelisinde AQSh pen Reseı prezıdentteri Donald Tramp pen Vladımır Pýtınniń Alıaskadaǵy kezdesýinen túsirilgen kadrlardy jarııalady, dep habarlaıdy Kazinform.
Fotosýrettiń sıpattamasy bir sózden turady: tarıhı.
Historic. pic.twitter.com/ZpierS5Rec
— The White House (@WhiteHouse) August 15, 2025
Eske salaıyq, Reseı prezıdenti Vladımır Pýtın men AQSh prezıdenti Donald Tramptyń Ankorıdj qalasyndaǵy (Alıaska) Elmendorf-Rıchardson áskerı bazasynda bastapqyda jeke kezdesý retinde josparlanǵan kezdesý «úsh-úsh» formatynda ótip, úsh saǵatqa jýyq ýaqytqa sozyldy.
Kelissózderden keıin Pýtın men Tramp ortaq baspasóz máslıhatyn ótkizdi.
Vladımır Pýtın Reseı Ýkraınanyń qaýipsizdigin qamtamasyz etýge daıyn ekenin aıtty. AQSh prezıdenti Donald Tramp Reseı prezıdenti Vladımır Pýtınmen ekijaqty kezdesýinde «biraz ilgerileýshilikke» jáne «kóp progreske» qol jetkizgenin atap ótti. Biraq «kelisim jasalmaıynsha eshqandaı mámile bolmaıtynyn» aıtty.
Pýtın men Tramp buǵan deıin 6 jyl buryn kezdesken.