Aq úı mańynda Trampty qorqytqan er adam ustaldy
ASTANA. KAZINFORM — AQSh Qupııa qyzmetiniń qyzmetkerleri Aq úı mańynda el aýmaǵynda zańsyz júrgen Venesýela azamatyn ustady. Ol prezıdent Donald Trampty óltiremin dep qorqytqan, dep habarlaıdy Fox News.
AQSh Іshki qaýipsizdik mınıstrliginiń málimetinshe, oqıǵa 5 qarasha kúni keshke bolǵan. Er adam Konstıtýtsııa dańǵylynda turǵan kóliktiń ishinde otyrǵan. Qupııa qyzmet qyzmetkerleri onyń kúmándi áreketine nazar aýdarǵan.
Qyzmetkerler kólikke jaqyndaǵan kezde er adam ishki túısigi oǵan Vashıngtonǵa baryp, AQSh prezıdentin óltirýdi buıyrǵanyn aıtqan.
Kólikti tekserý barysynda quqyq qorǵaý organdary atys qarýy men oq-dárilerdi tapty.
Resmı ókilderdiń aıtýynsha, kúdikti Ronnı Iordrıks Gýanıpa Krınos 2024 jyldyń naýryz aıynda Tehas arqyly AQSh aýmaǵyna zańsyz kirip, keıin shekara qyzmetiniń qolyna túsken.
Krınos ustalǵannan keıin AQSh Immıgratsııa jáne kedendik baqylaý qyzmeti (ICE) ony qamaýda ustaý týraly ótinishti AQSh sot prıstavtary qyzmetine joldaǵan. Qazir kúdikti osy mekemeniń baqylaýynda.
Bıyl sáýir aıynda Aq úıdegi tilshilerdiń keshki asy kezinde Donald Trampqa oq atylǵan bolatyn. Keıin kúdiktige qastandyq jasamaq boldy degen aıyp taǵyldy.