Aq úı qyzmetkeri Hılları Klıntonmen janjaldasqannan keıin ózine qol salǵan
ASTANA. QazAqparat - AQSh prezıdentiniń kúzeti - Qupııa qyzmettiń burynǵy qyzmetkerleri Hılları Klıntonnnyń kúıeýi prezıdent bolyp turǵanda onymen qalaı jumys jasaǵandary jóninde kitap jazdy. Kitap «Birinshi otbasy ómiriniń mán-jaıy» dep atalady, dep habarlady vesti.ru.
«Ol halyq aldyna shyqqanda basqa áıel, al shoý aıaqtalǵannan keıin múldem basqasha adam», dep jazady avtorlar. Kúzetshiler Hılları Klıntonmen birge jumys isteý azap bolǵanyn aıtady. Ol qaýipsizdik qyzmetkerlerine kún saıyn urysqan, tipti balaǵat sózder de aıtqan.
Kúıeýiniń saılaý naýqany kezinde ony kedeı aýdanǵa ákelgen, al ol aqsha joq jerde, saılaýshy da joq dep málimdegen. Kitap avtorynyń aıtýynsha, Aq úıdiń óte sezimtal bir qyzmetkeri Hılları Klınton ony sókkennen keıin ózine qol jumsap, qaıtys bolyp ketken.
