Aq úı Qytaıda Tramp, Pýtın jáne Sı Tszınpın kezdesetinin habarlady

ASTANA. KAZINFORM — AQSh prezıdenti Donald Tramp kelesi aptada Qytaıdyń Shenchjen qalasynda Reseı men Qytaı kóshbasshylarymen kezdesýdi josparlap otyr. Úshjaqty kelissózderdiń negizgi taqyryptary ıadrolyq qarýdy qysqartý jáne Iranǵa qatysty jaǵdaı bolady. Degenmen, Vashıngton áli kelisimge qol jetkiziletinin kútpeıdi. Bul týraly Anadolu jazdy.

Belyı dom anonsıroval peregovory Trampa, Pýtına ı Sı Tszınpına v Kıtae
Kollaj: Kazinform/II

Aq úıdiń baspasóz hatshysynyń kómekshisi Olıvııa Ýeıls Vladımır Pýtın jáne Sı Tszınpınmen kezdesý ótetinin málimdedi.

Onyń aıtýynsha, kelissózder Shenchjende ótetin Azııa-Tynyq muhıty ekonomıkalyq yntymaqtastyǵy (ATEY) sammıti aıasynda ótedi.

Negizgi máselelerdiń biri ıadrolyq arsenaldardy qysqartý bolmaq. AQSh ákimshiligi Donald Tramp ıadrolyq qarýdyń taralýy halyqaralyq qaýipsizdikke tónetin eleýli qater dep sanaıtynyn jetkizdi.

Degenmen, AQSh-tyń joǵary laýazymdy sheneýnigi Vashıngton kezdesý nátıjesinde naqty kelisimderge qol jetkiziledi dep kútpeıtinin eskertti.

Aq úı aldaǵy kelissózderdi, eń aldymen, úsh el kóshbasshylarynyń qarýlanýdy baqylaý máseleleri boıynsha dıalogynyń bastamasy retinde qarastyrady.

Iranǵa qatysty jaǵdaı da talqylanatyn taqyryp bolady. Al úshjaqty kezdesý barysynda Ýkraınadaǵy qaqtyǵysty talqylaý, AQSh sheneýniginiń aıtýynsha, josparlanbaǵan. Vashıngton Ýkraına máselesin Qytaı qatyspaıtyn AQSh-Reseı kelissózi barysynda talqyǵa salmaq.

Tramp pen Sı Tszınpınniń bólek kezdesýi

Úshjaqty kelissózderden tys, AQSh prezıdenti 19 qarashada QHR tóraǵasymen ekijaqty kezdesý ótkizedi, sondaı-aq jumys túski asyna shaqyrylǵan. Taraptar buryn qol jetkizilgen saýda kelisimderiniń oryndalýyn talqylamaq.

AQSh sheneýniginiń aıtýynsha, Vashıngton kedendik bajdardy ózgertý boıynsha jańa sheshimder kútpeıdi.

Onyń ornyna AQSh sırek kezdesetin metaldardy jetkizý máselesin kóterýdi kózdep otyr. Aq úı Qytaı AQSh-qa qajetti kólemdi jetkizbeı otyr dep sanaıdy.

Donald Tramptyń Azııaǵa sapary 16 qarashada bastalady. Amerıka kóshbasshysy aldymen Fılıppın astanasy Manılaǵa baryp, onda halyqaralyq kezdesýlerge qatysady, sodan keıin Qytaıǵa barady.

Buǵan deıin AQSh pen Iran arasyndaǵy kelissózderge araaǵaıyn bolǵan Qatar qaqtyǵysty retteý jónindegi dıplomatııalyq áreketterde ilgerileýshilik baryn málimdegen.

Reseı men Ýkraına Abý-Dabıdegi kelissózden keıin tutqyn almasýǵa kelisti.

Sodan keıin Kremlde Reseı prezıdenti Vladımır Pýtın AQSh prezıdentiniń arnaıy ókili Stıven Ýıtkoffpen jáne kásipker Djared Kýshnermen kezdesip, taraptar Abý-Dabıde ótken Reseı, AQSh jáne Ýkraına arasyndaǵy úshjaqty kelissózderdiń qorytyndylaryn, gýmanıtarlyq máselelerdi, aýmaqtyq retteýdi jáne aldaǵy dıalogtyń bolashaǵyn talqylǵan.