Aq úı E.Snoýdenniń raqymshylyq jasaý týraly ótinishin qabyldamady
ASTANA. 4 qarasha. QazAqparat - Aq úı men AQSh kongresiniń barlaý qyzmeti boıynsha komıtet basshylary UQA men OBB burynǵy qyzmetkeri, The Washington Post pen The Guardian habarshysy Edvard Snoýdenniń raqymshylyq jasaý týraly ótinishin qabyl almady, dep habarlady RBK Associated Press -ke silteme jasap.
Joǵaryda aıtylǵan málimdemeni E.Snoýdenniń ózi talap etti. 1 qarasha kúni ol Germanııanyń kantsleri Angela Merkelge hat joldap, onda «Shyndyqty aıtý qylmys emes. Halyqaralyq qaýymdastyqtyń qoldaýymen AQSh bıligi óziniń zııankestik qyzmetinen bas tartady dep senemin» dep jazǵan.
Alaıda E.Snoýdenniń ótinishi AQSh tarapynan narazylyq týdyrdy. Kongresmender biraýyzdan qarsylyq bildirdi. Aq úı keńesshisi Den Pfaıfer: «Raqymshylyq jasaý týraly sóz qozǵaýdyń da qajeti joq, E.Snoýden AQSh-qa qaıtyp kelip, sot aldynda jaýap berýi tıis», - dep túıdi.
