Aq nekeniń qadiri men qasıeti, ımandy otbasynyń erekshelikteri jaıynda eńbek jaryq kórdi - QMDB
ASTANA. 5 maýsym. QazAqparat - Januıa - shaǵyn memleket. Al úlken memlekettiń negizi eki jastyń aq nekesinen bastalady. Adamnyń jeke tulǵasynyń qalyptasýy otbasydan bastalary haq. Kez kelgen pendeniń ar-uıatynyń, aqyl-oıynyń, adamgershilik pen izgilikke ulasqan tálim-tárbıesiniń qalyptasyp, damýy otbasydan bastaý alatyny basy ashyq másele. Abyz aqsaqaldar, batagóı qarııalar jańa ómirge qadam basyp, otbasyn qurǵan jastarǵa «Shańyraǵyń bıik bolsyn!» dep bata beredi. Bul - qurǵan otbasyńnyń tuǵyry berik, mártebesi joǵary bolsyn degen sóz.
«Qoǵamnyń ımandylyqqa ıkemdelý mańyzyna mán bergen Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynyń bastamasymen «Aq neke» kitapshasy jáne «Musylman neke kýáligi» jaryq kórdi»,-dep habarlaıdy QMDB baspasóz qyzmetinen.
Shaǵyn eńbekte jańadan shańyraq kótergen jas jubaılar úshin aq nekeniń qadiri men qasıeti, ımandy otbasynyń erekshelikteri túsindirilgen. Kitapsha ımandy januıa máselelerine qyzyǵýshylyq tanytqan izdenýshilerge, jas jubaılar men qyz-kelinshekterge arnalǵan. Taralymy - 50 myń dana.
