«Aq maınerlerge» qarsy mindettemeler qoıylady – Baǵdat Mýsın

NUR-SULTAN. QazAqparat - «Aq maınerlerge» qarsy mindettemeler qoıylady. Bul týraly Úkimet otyrysynda QR Tsıfrlyq damý, ınnovatsııalyq jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Naryqty retteý boıynsha tsıfrlyq maınıngti lıtsenzııalaý engiziledi. Munda negizgi krıterıı - tehnıkalyq talaptarǵa sáıkes bolý, ıaǵnı qajetti jabdyqtardyń, órt qaýipsizdigi boıynsha tıisti bólmeniń jáne mindettemelerdiń bolýyn qarastyrý. Sondaı-aq, arnaıy tarıfti engizý, elektr energııasyn kvotalaý júıesi naryq músheleri men jalpy memleket úshin ashyq jáne túsinikti naryq qaǵıdattaryn ornatady», - dedi ol.

Mınıstr halyqaralyq tájirıbeni eskere otyryp, salyq salýdyń ońtaıly júıesi aıqyndalatynyn aıtty.

«Bul jaıtta, qytaı tájirıbesin qaıtalamaý úshin naryǵymyzdyń básekelestigin arttyrý, mańyzdy oıynshylardyń elimizde jumys isteýge degen yntasyn saqtaý sekildi táýekelder eskeriletin bolady. Sondaı-aq, ESG talaptaryn saqtaý turǵysynan «aq maınerlerge» qarsy mindettemeler qoıylatyn bolady. Tsıfrly aktıvter jónindegi zań jobasy bir top májilis depýtatymen bastamashylyq etilgen bolatyn. Bul is-sharalar atalǵan zań jobasynyń aıasynda talqylanady», - dedi Baǵdat Mýsın.