Aq qonjyqtyń uıyqtap jatqan sáti talaı jannyń júreginen jol tapty
ASTANA. QazAqparat - Jelide kip-kishkentaı aq qonjyqtyń sýretteri men vıdeosy keń etek jaıyp keledi. Qonjyq 6 qarashada amerıkalyq Ogaıo shtaty Kolýmbýs qalasynyń zoobaǵynda dúnıege keldi.
Alaıda belgisiz sebeptermen anasy Avrora budan bas tartty. Qonjyqty zoobaq qyzmetkerleri baǵyp keledi. Oǵan bótelkemen azyq beredi, densaýlyq jaǵdaıyn qadaǵalaıdy.
Qonjyqtyń dúnıege kelgeninen nebári 5 apta ótti. Ol kózin asha bastady. Degenmen júre almaıdy, qazirgi ýaqytta tórt aıaǵynan tik turýǵa tyrysyp-aq jatyr. Al qonjyqtyń uıyqtap jatqan sáti talaı jannyń júregine jol tapty, dep habarlaıdy tvzvezda.ru.
