ÁK kezeńi: Qazaqstannyń sprıntten 20 jyldan bergi nátıjesi jańartyldy
ASTANA. QazAqparat - Osy kúnderi Shvetsııanyń Estersýnde qalasynda ótip jatqan bıatlonnan Álem kýbogynyń kezeńinde Galına Vıshnevskaıa sprıntte 9-ynshy bolyp keldi.
Osylaısha, Galına qazaqstandyq bıatlonshylardyń osy baǵdarlamadaǵy jetistikterin jańalady, dep habarlaıdy QazAqparat Sports.kz-qa silteme jasap.
Bul nátıje Álem kýbogy kezeńiniń 1995/96 jyldarǵy maýsymynan bergi sprınttegi Qazaqstannyń áıelder quramasy úshin eń úzdik boldy. Ol kezde Inna Sheshkıl Germanııanyń Oberhof qalasynda 5-oryndy ıelendi.
Sondaı-aq 2010/11 maýsymynda Marına Lebedeva Oberhofta 10-ynshy bolyp keldi.
Eger Álem kýbogynan tysqary qaraıtyn bolsaq, 2010 jyly Vankýverde ótken Olımpıada oıyndarynda Elena Hrýstaleva 5-inshi nátıje kórsetken edi.
