"Aq kent" turǵyn-úı kesheninde 2698 úlesker bar - Ahsel holdınginiń prezıdenti
ALMATY. Shildeniń 16-sy. QazAqparat /Erlik Erjanuly/ - Almatydaǵy "Aq kent" turǵyn úı keshenindegi 2698 úleskerdiń 1,5 myńy búgin baspanaly boldy.
Bul jaıly kompanııa basshylary búgin Elbasynyń qatysýymen ótken páter kiltin tabys etý rásiminde málim etti.
Ahsel holdınginiń prezıdenti Ahmet Hamdı Aıannyń aıtýynsha,"Aq kent" turǵyn-úı kesheniniń jalpy alańy - 44,2261 gektar. Ondaǵy qurylys jumystary 2006 jyldyń 4-shi toqsanynda bastaldy. Tapsyrys berýshi - "Aıt haýzıng kompleks" JShS. Jobalaýshy - "Ahsel ınshaat taahhıýt ve tıdjeret" AQ. Onda 9 qabatty, 72 páterli 42 úı bar. Shilde aıynda 1436 páterde jalpy qurylys jumystary bitti. Aldaǵy tamyz-qyrkúıek aılarynda taǵy 1248 páter ázir bolady. Bastapqy kezde 2008 jyly paıdalanýǵa beriledi dep josparlanǵan turǵyn úı kesheni álemdik qarjylyq ekonomıkalyq daǵdarys kezinde toqtap qalǵan bolatyn. Sondyqtan "Samuryq-Qazyna" ulttyq ál-aýqat qory" AQ arqyly oǵan memleketten 16,5 mıllıard teńge qarjy bólindi.
