Aq halatty abzal jandar budan da zor qoldaýǵa laıyq - Prezıdent
NUR-SULTAN. QazAqparat – Aq halatty abzal jandar budan da zor qoldaýǵa laıyq. Bul týraly respýblıkalyq telearnalardyń efırinen elimizdegi tótenshe jaǵdaıǵa jáne memlekettiń daǵdarysqa qarsy is-sharalaryna baılanysty málimdemesinde Prezıdent Qasym-Jomart Toqaev aıtty, dep habarlaıdy QazAqparat tilshisi.
«Búginde búkil elimiz dárigerler men medıtsına qyzmetkerleriniń qaısarlyǵyna tánti bolýda. Olar – adam ómirine arasha túsip jatqan búgingi kúnniń batyrlary. Sondyqtan, pandemııaǵa qarsy kúrestiń aldyńǵy leginde júrgenderge qosymsha qoldaý kórsetý jóninde sheshim qabyldadym. Dárigerlerge jáne medıtsına qyzmetkerlerine 3 aı boıy qosymsha ústeme aqy tólenedi. Medıtsına qyzmetkerleriniń ómirin saqtandyrý máselesi de sheshimin tapty.Árıne, aq halatty abzal jandar budan da zor qoldaýǵa laıyq», - dedi Memleket basshysy.
Prezıdent tótenshe jaǵdaı rejiminiń qashanda ekonomıkalyq jáne áleýmettik saldary bolatynyn eske saldy.
«Biz úshin azamattardyń densaýlyǵymen qatar olardyń óz tabysynan aıyrylmaýy da mańyzdy», - dedi Q. Toqaev.
Budan buryn habarlanǵandaı, Memleket basshysy 42 500 teńge kólemindegi kómekti alatyn azamattar sanatynyń keńeıtiletinin aıtty.
