«Aq bulaq» baǵdarlamasy boıynsha 356 eldi mekenniń sýmen jabdyqtaý júıeleri tekseriledi
Baǵdarlama 2020 jylǵa deıin arnalǵan jáne ol respýblıkanyń eldi mekenderiniń barlyǵyn aýyz sýmen jabdyqtaýǵa baǵyttalyp otyr, dep habarlady pm.kz saıty.
«2017 jylǵa qaraı elimizdiń barlyq qalalarynyń 90 paıyzy sýmen jabdyqtaýdyń ortalyq júıesimen qamtylady, 30 myńnan astam kommýnaldyq jeli qaıta jańartylady», - dep atap kórsetti Elbasy N.Nazarbaev «Nur Otan» Halyqtyq demokratııalyq partııasynyń XIV sezinde sóılegen sózinde.
«Aq bulaq» baǵdarlamasynyń aıasynda qoldanystaǵy sýmen jabdyqtaý jáne sý burý júıelerin jańǵyrtý jáne jańa nysandar salý, sý sharýashylyǵy sektoryna jekemenshik kapıtal tartý qarastyrylǵan.
Qurylys jáne TKSh isteri jónindegi agenttiktiń aqparaty boıynsha, 2012 jyly «Aq bulaq» baǵdarlamasynyń aıasynda jalpy somasy 43,2 mlrd. teńgege - qalalyq jerlerde sýmen jabdyqtaý jáne sý burý júıesiniń 104 jobasyn, 33,9 mlrd. teńge somaǵa - aýyldyq jerlerdegi sýmen jabdyqtaý jáne sý burý júıesiniń 235 jobasy josparlanyp otyr.
Taǵy bir aıta ketetin másele, Qazaqstan tuşy sýdyń mol jerasty qoryna ıe, sondyqtan da aǵymdaǵy 2012 jyly 28 shaǵyn qaladaǵy sýmen jabdyqtaý jáne sý burý júıelerin zertteýge 350 mln. teńge jumsaý, 356 eldi mekendegi sýmen jabdyqtaý jáne sý burý júıelerin tehnıkalyq tekserýge 500 mln. teńge jumsaý josparlanyp otyr.
«Aq bulaq» baǵdarlamasyn tıimdi iske asyrý maqsatynda jańa júıeli ádis qolǵa alynǵan. ıAǵnı, oǵan sáıkes jańa resýrs únemdeýshi jáne energetıkalyq tıimdi tehnologııalardyń engizilý barysy eskerile otyryp qana tekserýler júrgiziledi, ınvestıtsııalyq negizdemeler ázirlenedi. 55 qaladaǵy sý júıelerine salynatyn ınvestıtsııalardy negizdeý qujattary osy ádistiń negizinde jasalatyn bolady jáne jumystar 2013 jyly aıaqtalady.
«Aq bulaq» baǵdarlamasy aýyz sýǵa degen ortalyqtandyrylǵan júıeni keńeıtýge, aýyldardyń 80 paıyzyn, shaǵyn qalalardyń 100 paıyzyn ortalyqtandyrylǵan sý júıesimen qamtamasyz etýge múmkindik beredi.
