«Aq bıdaı» aýyl sporty oıyndary: Jeńimpaz óńirler anyqtaldy

AQTÓBE. QazAqparat - Aqtóbede respýblıkalyq «Aqbıdaı-2017» VI aýyl sporty oıyndary aıaqtaldy, dep habarlaıdy QazAqparat tilshisi.

Aqtóbede bir aptaǵa sozylǵan jarys aıaqtaldy. Elimizdiń ár óńirinen kelgen 1300 sportshy apta boıy kókpar, aýdaryspaq, voleıbol, shaǵyn fýtbol sekildi sporttyń 14 túrinen synǵa tústi. Buǵan deıin habarlaǵanymyzdaı, «Aq bıdaı» aýyl sporty oıyndarynaár aımaqtyń úzdikteri jınalyp , kún saıyn jeńimpazdar anyqtaldy.

Jurtshylyqtyń asa qyzyǵýshylyǵyn týdyratyn sporttyq oıyndar: kókpar tartýdan birinshi oryndy Ońtústik Qazaqstan oblysynyń komandasy, top báıgede - Almaty oblysynyń komandasy, alaman báıgede Aqtóbe oblysynyń komandasy ıelendi.

Al jalpy komandalyq esepte I oryndy Ońtústik Qazaqstan oblysy, II oryndy Aqtóbe oblysy, III oryndy Qyzylorda oblysy jeńip aldy.

Júldegerlerdi oblys ákiminiń orynbasary Erbol Nurǵalıev quttyqtady. Jeńimpazdarǵa medaldar men alǵys hattar tabystaldy. Aıta keteıik, respýblıkalyq «Aqbıdaı-2021» aýyl sporty oıyndary Mańǵystaý oblysynda ótetin bolady.