«Aq bıdaı» aýyl sporty oıyndarynda BQO quramasy alǵash ret úzdik úshtikke ilikti
ORAL. KAZINFORM — Almaty oblysynda respýblıkalyq VIII «Aq bıdaı — 2025» aýyl sporty oıyndary máresine jetti.
On kúnge sozylǵan baıraqty dodada 17 oblystan 3 myńǵa jýyq sportshy baq synady.
Jarys qorytyndysynda jalpykomandalyq esepte 498 upaımen Túrkistan oblysy top jardy.
Ekinshi orynǵa Almaty oblysy ókilderi (428 upaı) kóterildi.
Batys Qazaqstan oblysy komandasy 385 upaımen alǵash ret óz tarıhynda úshinshi orynǵa ıe boldy.
BQO-dan 200-ge jýyq sportshy 20 sport túri boıynsha synǵa tústi.
Solardyń ishinde, aıtalyq, dástúrli sadaq atýdan batysqazaqstandyq surmergender komandalyq esepte úzdik atandy. Toǵyzqumalaqtan Bektas Kenjeǵalıev pen Qaraqat Sálimǵalı altynnan alqa taqty. Qazaq kúresinen Taıman Nurǵalıev pen Meıirim Aıǵalı qarsylas shydatpady.
Sondaı-aq shaǵyn fýtboldan BQO quramasy úzdik úshtikti túıindedi.
Basqa da sportshylar júldegerler qatarynan kórinip, komandanyń upaı qoryn tolyqtyrýǵa óz úlesterin qosty.
Budan tórt jyl buryn ótken «Aq bıdaı» aýyl sporty oıyndarynda Batys Qazaqstan oblysy 14-orynda qalǵan edi.
Eske sala keteıik, budan buryn «Jaıyq» fýtbol klýbynyń birinshi lıgaǵa joldama alǵanyn jazǵan edik.