Aq Azıada: Qazaqstan quramasy medaldar kestesinde tórtinshi orynda

HARBIN.KAZINFORM – Qytaıdyń Harbın qalasynda ótip jatqan IX qysqy Azııa oıyndarynyń alǵashqy jarys kúni óz máresine jetti.

Búgin, 8 sport túrinen jarystar ótip, 17 medaldar jıyntyǵy sarapqa salyndy. Qazaqstandyq sportshylar short-trek, shaıbaly hokkeı, taý shańǵy sporty, shańǵymen syrǵanaý jáne konkımen júgirý jarystarynda óner kórsetti.

Qazaqstandyq short-trekshiler Denıs Nıkısha, Ádil Ǵalıahmetov, ıAna Han jáne Malıka Ermek 2000 metrge syrǵanaýdan aralas komandalyq estafetada márege ekinshi bolyp jetip, el qorjynyna alǵashqy medal saldy. 

Erler arasynda 100 metrge konkımen júgirýden Evgenıı Koshkın 9.47 sekýnd nátıje kórsetip, kúmis júldeger atandy. 

Sondaı-aq, Qazaqstandyq shańǵyshy Konstantın Bortsov Shańǵymen syrǵanaýdan erler arasyndaǵy sprıntte kúmis enshiledi. 

Hokkeıden Qazaqstan quramasy A tobynyń úshinshi matchynda Azııa qurlyǵyndaǵy basty qarsylasy Japonııany 4:1 esebimen tize búktirdi. 

Osylaısha, Qazaqstan delegatsııasy qysqy Azııa oıyndarynyń alǵashqy kúni 3 kúmis enshilep, medaldar kestesinde tórtinshi orynǵa jaıǵasty. Qytaı quramasy 8 altyn, 8 kúmis jáne 5 qola medal enshilep, kósh bastady. Al Koreıanyń qorjynynda 7 altyn, 5 kúmis jáne 7 qola medal bar. Sary qurlyq úzdigi Japonııa quramasy 2 altyn, 1 kúmis jáne 4 qola medalmen úzdik úshtikti túıindedi.

Eske salaıyq, IX qysqy Azııa oıyndary 7 aqpan kúni Qytaıdyń Harbın qalasynda resmı ashyldy.