Aq Azııada elshileri jolǵa shyqty
ALMATY. 6 qańtar. QazAqparat /Erbol Azanbek/ 7-Qysqy Azııa oıyndaryn nasıhattaý maqsatynda «Azııada elshileri» jobasy júzege asyryla bastady. Bul týraly búgin Almatyda ótken baspasóz máslıhatynda aıtyldy.
«Jobanyń basty maqsaty - Azııada oıyndaryn nasıhattaý, salaýatty ómir saltyn ustanýǵa shaqyrý, oıyndarǵa qatysatyn Qazaqstan quramasyn qoldaýǵa shaqyrý», - dedi «Qysqy Azııa oıyndarynyń atqarýshy dırektsııasynyń» vıtse-prezıdenti Maǵjan Qanǵojın.
Onyń aıtýynsha, Azııada eriktileri bolýǵa 20-dan astam tanymal tulǵalar nıet bildirgen. Olardyń qatarynda Álibek Dinishev, Roza Rymbaeva, Maqpal Júnisova, Batyrhan Shúkenov, «MýzART» toby, Búrkit, «Rıngo», «Mısterıons», «Al davaı» toptary, Serik Qonaqbaev, Ermahan Ibraımov, Ásel Saǵatova syndy shoý bıznes pen sport salasynyń ókilderi bar.
M.Qanǵojınniń aıtýynsha, Azııada elshileri oıyndarǵa deıin elimizdiń barlyq aýmaǵyn aralap kontsertter, kezdesýler uıymdastyrmaq. «Qysqy Azııada oıyndarynyń nasıhaty úlken qalalarda júrgizilip, shaǵyn eldimekender, shet aımaqtar nazardan tys qalýda. Elshiler osy óńirlerdiń jurtshylyǵymen júzdesip, aq oıyndardy nasıhattaıtyn bolady», - dedi M.Qanǵojın.
