Aq Azıadanyń úshinshi kúni sporttyń jeti túrinen medaldar jıyntyǵy sarapqa salynady

Atap aıtqanda, Astanada konkımen júgirý sportynan áıelder arasynda 25 aınalymdyq masstart, erler arasynda 35 aınalymdyq masstart ótedi. Respýblıkalyq velotrekte short-trekten áıelder 1000 metrge, erler 1000 metrge jarysady. Sonymen qatar short-trekten áıelder arasynda 3000 metrlik estafeta jarysy, erler arasynda 5000 metrlik estafeta jarysy bolady. Buǵan qosa shaıbaly hokkeıden premer-dıvızıonyndaǵy komandalar arasynda ótetin oıyndar aıasynda Bahreın-Qyrǵyzstan, BAÁ-Mońǵolııa, Taıland-Malaızııa komandalary kezdesedi.

Al Almatydaǵy Shańǵymen tuǵyrdan sekiretin halyqaralyq keshende bıiktigi 95 metrlik tuǵyrdan sekirýden jekeleı syn ótedi. Soldat shatqalyndaǵy Shańǵy-bıatlon stadıonynda áıelder arasynda 10 shaqyrymdyq jekeleı syn, erler arasynda 15 shaqyrymdyq jekeleı syn ótedi. Osy stadıonda bıtlonnan erler arasynda 12,5 shaqyrymdyq izge túsý jarysy ótedi, sondaı-aq shańǵymen baǵdarlaýdan áıelder men erler ortasha qashyqtyqqa jarysady. Buǵan qosa «Medeý» bıik taýly muz aıdynynda dopty hokkeıden aldyn ala oıyndar ótedi.

Aıta keteıik, Aq Azıadanyń ekinshi jarys kúninen keıingi nátıje boıynsha, beıresmı jalpykomandalyq esepte Qazaqstan quramasy birinshi orynda tur. Bizdiń komandanyń qorjynynda 10 altyn, 10 kúmis jáne 7 qola medal bar. Ekinshi orynda 6 altyn, 6 kúmis jáne 4 qola medali bar Qytaı quramasy keledi. Úshinshi orynda 5 altyn, 4 kúmis jáne 4 qola júldeni enshilegen Ońtústik Koreıa quramasy tur. 4 altyn, 5 kúmis jáne 8 qola medalmen Japonııa quramasy tórtinshi orynda keledi. Sonymen qatar bir-bir qola medaldardyń ıegerleri atanǵan Iran men Mońǵolııa ózara besinshi jáne altynshy oryndardy bólisýde.