Aq Azıadanyń sporttyq nysandary qarasha-jeltoqsan aılarynda tapsyrylady
STANA. Qazannyń 26-sy. QazAqparat /Jasulan Amanbaıuly/ - Qazaqstanda 2011 jyly VII qysqy Azııa oıyndary ótetin sporttyq nysandar qarasha-jeltoqsan aılarynda synaq jarystary úshin keshiktirilmeı paıdalanýǵa beriledi.
Bul týraly búgin Astanada VII qysqy Azııa oıyndary úılestirý komıtetiniń 3-inshi otyrysynda Azııa Olımpıada keńesiniń delegatsııasy aldynda QR Týrızm jáne sport vıtse-mınıstri Talǵat Ermegııaev málim etti.
Keste boıynsha Azııa oıyndaryna qajetti nysandar bıyl kúzde tapsyrylýy tıis. Sebebi Azıadanyń negizgi jarys kúni qarsańynda birinshi synaq dodalarynyń ótkizilýi mindetti shara. Vıtse-mınıstrdiń aıtýynsha, Almaty men Astana qalalaryndaǵy nysandardyń qarjylandyrylýy men onyń merziminde tapsyrylýy jónindegi máselelerde eshbir qıyndyqtar joq.
«Astanada 10 myń oryndyq jabyq muz stadıony 78 paıyzǵa aıaqtaldy. Onyń muz aıdyny qarasha aıynyń sońyna deıin quıylyp bitse, keshen tolyǵymen jeltoqsan aıynda tapsyrylady. Short-trek pen mánerlep syrǵanaý sport túrlerine arnalǵan 8 myń adamdyq velotrek stadıony 86 paıyzǵa daıyn. Paıdalanýǵa 2010 jyly qarashanyń sońynda beriledi», - dedi vıtse-mınıstr.
Onyń aıtýynsha, elordadaǵy «Qazaqstan» sport saraıy men onyń janynan salynyp jatqan konkı tebý stadıonynyń qurylysy da támamdalyp qaldy. Stadıonda sporttyq jarystarǵa qajetti qural-jabdyqtar jetkizilýde jáne ol jumystar qarasha aıynyń sońynda bitpek.
Al Almatydaǵy «Medeý» muz aıdynynyń jáne Balýan Sholaq atyndaǵy sport saraıynyń daıyndyqtary búgingi tańda 95-98 paıyzǵa jetkizilgen. Sonymen qatar frıstaılǵa arnalǵan «Tabaǵan» sporttyq oıyn-saýyq kesheniniń qurylysy da aıaqtalýǵa jaqyn. Vıtse-mınıstrdiń aqparatyna sáıkes bul nysan qarasha aıynyń sońynda sporttyq dodalardy ótkizýge daıar bolady.
«K-90, K-120 shańǵy tramplınderine qosymsha 1,3 mlrd. teńge qosymsha qarajat bólindi. Keshenniń ózi daıyn, qazirgi ýaqytta atalmysh qarjy nysannyń ınfraqurylymyna, abattandyrylýy men kórkeıtilýine jumsalady», dep atap kórsetti ol.
T.Ermegııaevtiń aıtýynsha, «bıatlon stadıony daıyn deýge bolady, onyń negizgi júıesi salynyp bitti, shańǵy trassalary jaqyn arada tapsyrylady».
Azıada baǵdarlamasy boıynsha 69 medaldar jıyntyǵy oınalatyn sporttyń 11 túri boıynsha jarystar ótkiziledi. Azııa oıyndaryna shamamen 30 azııa eli qatysady dep josparlanyp otyr. Týrızm mınıstrliginiń aqparyna qaraǵanda, qazirdiń ózinde 24 memleket 2011 jylǵy qysqy Azııa oıyndaryna qatysýǵa nıet bildirgen. Astana men Almatyǵa 3,5 myń adam keledi dep kútilýde. Olardyń arasynda jarysqa qatysýshylar, resmı tulǵalar men qonaqtar, tehnıkalyq qyzmetkerler bar.
