Aq Azıadany joǵary deńgeıde uıymdastyrǵany úshin Qazaqstanǵa jáne barsha qazaqstandyqqa kóp rahmet! - T.Fok
ALMATY. 6 aqpan. QazAqparat /Elena Ilınskaıa/ - 7-qysqy Azııa oıyndary zor tabysty ótkizildi, barlyq qatysýshylar baqytty jáne ózderine kóńilderi tolady. Olar munda alǵan áserlerin uzaq ýaqyt este saqtaıdy. Bul týraly Almatydaǵy B.Sholaq atyndaǵy Sport saraıynda ótkizilgen Azıadanyń jabylý saltanaty barysynda Azııa Olımpıadalyq keńesiniń (AOK) vıtse-prezıdenti Tımotı Fok aıtty.
Onyń aıtýynsha, Oıyndardyń ashylýynda da, onyń jabylýynda da barlyǵy Qazaqstan úshin maqtanysh seziminde boldy.
«Biz úılerimizge Qazaqstan men onyń halqy týraly jyly sezimmen qaıtamyz. Osy jerdiń halqynyń qonaqjaılylyǵy men aqjarqyndyǵynyń arqasynda biz Qazaqstanda óz elimizde júrgendeı boldyq. Eldiń tutqa ustarlary men Memleket basshysy N.Nazarbaevqa kóp rahmet», - degen T.Fok kelesi sózdi QR Prezıdentine usyndy.
Eske sala ketsek, bul Oıyndar bizdiń quramanyń tolyqtaı jeńisimen aıaqtaldy. Qazaqstandyqtardyń qorjynynda 70 medal bar, onyń 32-si altyn.
