Aq Azıada: Short-trekten Qazaqstan quramasy aralas estafetadan fınalǵa joldama aldy

HARBIN.KAZINFORM - Qytaıdyń Harbın qalasynda ótip jatqan IX qysqy Azııa oıyndarynyń short-trekten 2000 metr aralas komandalyq estafetadan shırek fınal jáne jartylaı fınaldyq jarystary ótti.

Qazaqstan quramasy sapynda Denıs Nıkısha, Ádil Ǵalıahmetov, Mersaıd Jaqsybaev, ıAna Han, Olga Tıhonova, Malıka Ermek, Zeınep Qumarqan, Alına Ájǵalıeva, Madına Janbýsınova, Aıbek Nasen, Abzal Ájǵalıev jáne Gleb Ivchenko alańǵa shyqty.

Shırek fınalda, otandastarymyz 2 mınýt 45.431 sekýnd nátıjesimen kelesi kezeńge joldama aldy. Al jartylaı fınaldyq básekede Qazaqstan quramasy 2 mınýt 46.491 sekýnd nátıje kórsetip fınalǵa joldama aldy.

Osylaısha, qazaqstandyqtar aqtyq básekede Qytaı, Japonııa jáne Koreıamen synǵa túsedi.

Osyǵan deıin qazaqstandyq sportshylar 1500 metrge syrǵanaý boıynsha synǵa túsip, 3 áıel jáne 3 er sportshymyz jartylaı fınalǵa joldama alǵan bolatyn. 

Sonymen qatar, erler jáne áıelder arasynda 500 metrge syrǵanaýdan 6 sportshy (3 áıel jáne 3 er) kelesi kezeńge joldama aldy.