Aq Azıada: Hokkeıden Qazaqstan qyzdar quramasy Qytaıdy jeńdi

HARBIN. KAZINFORM – Hokkeıden Qazaqstan qyzdar quramasy Qytaıda ótip jatqan qysqy Azııa oıyndarynda mańyzdy jeńiske jetti.

A tobynyń ekinshi oıynynda qazaqstandyq qyzdar jarys qojaıyny Qytaımen kezdesti.

Alǵashqy kezeńde, taraptar bir-biriniń osal tustaryn taba almady. Qytaı quramasy Qazaqstan qaqpasyna 11 ret dál soqqy jasady.

Ekinshi kezeńde, qytaılyq qyzdar basymdylyqty saqtady. Alaıda, Nadejda Fılımonova komandalasy Aleksandra Shegaıdyń pasyn golǵa aınaldyrdy.

Úshinshi kezeńniń 2-mınýtynda Qytaı quramasynyń oıynshysy Van Tszıasın esepti teńestirip ketti.

Oıynnyń 48 mınýtynda, Aleksandra Shegaı ońtaıly sátti qoldan bermeı, qarsylas qaqpasyna jeńis shaıbasyn soqty. Qortyndy esep 2:1.

Erteń, Qazaqstan qyzdar quramasy A tobyndaǵy úshinshi oıynda Ońtústik Koreıamen oınaıdy.

Osyǵan deıin habarlaǵanymyzdaı, qyzdarymyz A tobyndaǵy alǵashqy oıynda Japonııaǵa 0:4 esebimen jol bergen bolatyn.