AІVA Rıo Olımpıadasyna tórelik etken 36 referıdi qyzmetinen qýdy
ASTANA. QazAqparat - Halyqaralyq boks qaýymdastyǵy 2016 jyly Rıo Olımpıadasynda qyzmet etken tóreshilerdiń bárin qyzmetinen qýdy, dep habarlaıdy QazAqparat TASS agenttigine silteme jasap.
Halyqaralyq boks qaýymdastyǵy (AІVA) 2016 jylǵy Rıo oıyndarynda tórelik etken 36 tóreshini qyzmetinen bosatty. Buǵan atalǵan Olımpıada oıyndarynda jankúıerler men boksshylardyń kúmánin týdyrǵan sheshimderdiń kóp bolýy sebep.
Atap aıtar bolsaq, 91 kelige deıingi salmaqta «altynǵa» talasqan reseılik Evgenıı Tışenko men qazaqstandyq Vasılıı Levıttiń jekpe-jegindegi tórelik álem jankúıerleriniń narazylyǵyn týdyrdy. AІVA atalǵan kezdesýge tórelik etken jeti qazyny oıynnan shettetti.
Ázirge, tóreshilerdiń qansha ýaqytqa deıin qyzmetinen ketkeni belgisiz.
AІVA Rıodaǵy oıyndarynan soń tórelik júıesin reformalaıtynyn eskertken bolatyn.
