AІVA prezıdenti qazaqstandyq boksshy Qanat Islamnyń London Olımpıadasyna qatysýyna qoldaý kórsetetindigin aıtty
TANA. 22 shilde. QazAqparat /Jasulan Amanbaıuly/ - AІVA qazaq boksshysy Qanat Islamnyń London Olımpıadasyna qatysýyna kómek kórsetýge daıyn. Bul týraly búgin Astanada ótken baspasóz máslıhaty barysynda Halyqaralyq boks federatsııasynyń (AІVA) prezıdenti Chıng-Kýo Vý málim etti.
Eske sala keteıik, elektrondyq buqaralyq aqparat quraldarynda «kelesi jyly ótetin London olımpıadasynda altynnan alqa taǵýǵa birden-bir úmitker Qanat Islam dúbirli dodaǵa barmaı qalýy múmkin» degen aqparat taraǵan bolatyn. Sebebi halyqaralyq ereje boıynsha, azamattyq aýystyrǵan boksshy keminde 3 jyl sol eldiń namysyn qorǵaýy tıis. Sodan keıin ǵana sportshy halyqaralyq arenaǵa azamattyq alǵan memlekettiń atynan shyǵa alady.
Bul másele qazir AІVA-nyń qaraýynda jatqandyǵyn aıtqan Vý myrza, «qazaq boksshysy Qanat Islamnyń aınalasyndaǵy bul máseleni oń sheshýge barynsha qoldaý kórsetip baǵatyndyqtaryn» habarlady.
AІVA prezıdentiniń aıtýynsha, Q. Islam onyń súıikti boksshylarynyń biri.
«Byltyr ǵana AІVA-nyń kásibı boks alańy sanalatyn Búkilálemdik boks serııasynyń týrnıri ótti. Sol dodada Qanat Islam jarq etip kórindi jáne ol - ónerine tańdana qaraıtyn meniń eń súıikti boksshylarymnyń birine aınaldy», - dedi ol máslıhatta.
