AITV juqtyrǵan balalar San-Frantsıskodaǵy konferentsııaǵa qatysady
TÚRKІSTAN. QazAqparat - Túrkistan oblysy ákiminiń orynbasary Joldymurat Amanbaev 2006-2008 jyldary AITV juqtyrǵan balalarmen kezdesti. Basqosý barysynda eseıgen balalar ózderin tanystyryp, qoǵammen birge erkin ómir súrip, barlyq qoldaýmen qamtamasyz etilgenderin jetkizdi, dep habarlaıdy QazAqparat tilshisi.
Balalarmen kezdesken oblysy ákiminiń orynbasary árbir balaǵa erekshe qamqorlyq kórsetiletin aıtyp, barlyǵyna 2020 jyly San-Frantsısko qalasynda bolatyn AITV-ǵa arnalǵan halyqaralyq konferentsııaǵa joldama beriletinin jetkizdi. Óz kezeginde ata-analar tarapynan sóz alǵan Álııa Masaýrova óz ulynyń búginde alǵyrlyǵymen, bilimdiligimen erekshelenetinin aıtty.
«Balalarymyz qoǵamda esh kemsitýsiz ómir súrip, ákimdik tarapynan barlyq qoldaýmen qamtamasyz etilgen. Ómirzaq Estaıuly Ońtústik Qazaqstan oblysy ákimi kezinde «árbir bala - meniń balam» dep, barlyq qoldaýdy kórsetken bolatyn. Bul bizge úlken jiger, qamqorlyq boldy. Búginde ul-qyzdarymyz eseıip, túrli salada ózderin jaqsy tustarynan kórsetip keledi. Bul kezdesýde balalarymyzdyń halyqaralyq konferentsııaǵa baratyny belgili boldy. Shyn júrekten alǵys bildiremiz», - dedi Álııa Saǵdatqyzy.
Jıynǵa kelgen balalar sport, bilim salasynda úlken jetistikke jetkenderin aıtty. Sondaı-aq, «Qazaqstannyń AITV juqtyrǵan balalardyń analar odaǵy» qoǵamdyq qorynyń uıymdastyrýymen naýqas balalar Túrkistan qalasyndaǵy Q.A.ıAsaýı kesenesine zııarat jasady. Búginde qor AITV juqtyrǵan balalarǵa psıhologııalyq, áleýmettik kómekterdi kórsetýmen aınalysady.
Aıta keterligi, 2006-2008 jyldary Shymkent qalasynda dárigerlerdiń salǵyrttyǵynan 149 bala AITV vırýsyn juqtyrǵan bolatyn. Qazirgi tańda «Ana men bala» ortalyǵynda osyndaı naýqaspen 244 bala tirkelgen. Barlyǵynyń memlekettik qyzmetterdi alýǵa teń quqyǵy bar: balabaqsha, mektep, joǵary oqý orny. Otbasy tarapynan eshbir bala tastalmaǵan. Barlyǵy Eýropalyq standartqa saı sapaly dárilerdi qabyldap keledi.
