AITV juqtyrǵan adamdardyń ortasha jasy qandaı
«Bastapqyda AITV-men aýyratyndar – esirtki zattaryn qoldanatyndar, dástúrli emes jynystyq baǵdardy ustanatyn nemese seks-ındýstrııa qyzmetkeri syndy naqty toptar bolsa, qazir kez kelgen adam bul vırýsty juqtyrýy múmkin. Sondyqtan, olardy qandaı da bir sheńberge sala almaımyz, óıtkeni 20 jasar naýqastar sanaty da bar. Jynystyq ómir bastalǵan kezde ınfektsııa juqtyrý da bastalady. Dıagnoz týraly bilgende kópshiliginiń emotsııasy birdeı bolady: qorqynysh pen shok baıqalady. Naýqasty anyqtaǵanda olarmen bizdiń psıhologtar, juqpaly aýrýlar dárigeri, áleýmettik qyzmetker jumys isteıdi. Qazir naýqastar bul vırýsty sabyrmen qabyldaıdy», - dedi «Jızn voprekı» qoǵamdyq uıymynyń jetekshisi Aına Muqysheva.
AITV-ınfektsııasynyń aldyn alý ortalyǵynyń dırektory Sábıt Ábdiraıymov vırýs juqtyrǵandardyń ortasha jasy 20-30 jas ekenin aıtty. Bul jalpy naýqastar sanynyń kem degende 54%-yn quraıdy.
«Máselen, adam qalypty ómirin súrip júrgende, biz ony shaqyryp alyp, AITV ınfektsııasy anyqtalǵanyn aıtamyz. Bir kúni egde jastaǵy ǵalymǵa AITV juqtyrǵanyn aıtýǵa týra keldi. Onyń AQSh-ta jobalary bolǵan edi. Ol birden shý shyǵardy. 20 kúnnen keıin ol Amerıkaǵa baryp, tekserýden ótkende dıagnozy rastaldy. Tipti elge oralǵanda, bizge kelip, keshirim surady. Bizdiń dıagnostıka men emdeý halyqaralyq standarttarǵa saı keledi. Tipti otbasynda da jubaıynyń AITV-men aýyratynyn bilmeıtin sátter bar», - deıdi Sábıt Ábdiraıymov.
Aıta keteıik, jyl saıyn 1 jeltoqsanda álemdik qaýymdastyq, onyń ishinde Dúnıejúzilik densaýlyq saqtaý uıymy, Birikken Ulttar Uıymy, qoǵamdyq birlestikter men úkimetter AITV/JITS qarsy kúres kúnin ótkizedi.