AITV juqtyrǵan 200 áıel deni saý bala bosandy – statıstıka
ASTANA. QazAqparat – Astanada AITV juqtyrǵan 200 áıel deni saý balalardy dúnıege ákeldi, dep habarlaıdy QazAqparat tilshisi.
Aıta keteıik, jyl saıyn 1 jeltoqsanda álemdik qaýymdastyq, onyń ishinde Dúnıejúzilik densaýlyq saqtaý uıymy, Birikken Ulttar Uıymy, qoǵamdyq birlestikter men úkimetter AITV/JITS qarsy kúres kúnin ótkizedi.
Osyǵan oraı, elordalyq AITV-ınfektsııasynyń aldyn alý ortalyǵynyń dırektory Sábıt Ábdiraıymov AITV juqtyrǵandardy erte kezeńde anyqtaýdyń mańyzdylyǵyn eske saldy.
«Bizdiń basty qyzmetimiz – adamdardy tekserý. Adamnyń AITV juqtyrǵanyn nemese juqtyrmaǵanyn eshkim bilmeıdi. Sondyqtan aýrýdy anyqtaýdyń negizgi joly – tekserý. 2021 jyly 10 aıda astananyń 300 myń turǵyny tekserilse, 2022 jyldyń osy kezeńinde 323 052 adam qaraldy. ıAǵnı, biz tekserýdi 23,4%-ǵa arttyrdyq. Dúnıejúzilik densaýlyq saqtaý uıymynyń usynysy boıynsha, búkil álemde halyq sanynyń shamamen 10%-y tekserilýi kerek. Ózderińiz biletindeı, qazir elordada 1 mln 300 myń adam turady, al biz 323 myń adamnan synama aldyq. ıAǵnı, biz eki ese kóp tekserý júrgizemiz, sondyqtan da aýrýdy kóbirek anyqtaımyz. Máselen, bıyl 305 juqtyrý jaǵdaıy anyqtaldy. Biz aýrýdan qoryqpaýymyz kerek, kerisinshe erte kezeńderde emdeýge tyrysý kerek. Bizde «Tekser jáne emde» degen ustanym bar. Aýrý anyqtalǵan soń dereý em-domdy bastaımyz», - dedi ortalyq dırektory búgingi brıfıngte.
Spıker elimizde AITV juqtyrǵandarǵa arnalǵan dári-dármekter tegin beriletinin atap ótti. Sondaı-aq AITV juqtyrǵan júkti áıelder boıynsha oń tendentsııa baıqalýda.
«1997 jyldan beri 274 júkti áıelde AITV ınfektsııasy boldy. Júkti áıelden AITV ınfektsııasyn anyqtalǵan jaǵdaıda biz dereý emdeýdi bastaımyz. Osynyń arqasynda olar deni saý balalardy dúnıege ákeldi. Biz 184 sábıdi saý balalar retinde esepten shyǵardyq, 54 bala áli de esepte tur. Óıtkeni bizde algorıtm bar: áıel bosanǵanǵa deıin em qabyldaıdy jáne bosanǵan soń 18 aı boıy náreste baqylaýda bolady. ıAǵnı, ana sútiniń ornyna bala sút qospasyn ishedi. 274 áıeldiń 24-i úsh-tórt baladan týdy. Bizdiń barlyq usynystarymyzǵa súıene otyryp, saý bala týý múmkindigi bar», - deıdi S. Ábdiraıymov.
