AITV-ny jeńgen ekinshi oqıǵa tirkeldi - The New York Times
ASTANA. QazAqparat - AITV epıdemııasymen qyryq jylǵa sozylǵan kúreste 35 mıllıon adamnyń ishinde tek ekeýi ǵana jazylyp shyqqan. The New York Times basylymynyń habarlaýynsha, dertti jeńgen ekinshi adam týraly seısenbi kúni belgili boldy. Aıta keterligi, bul indetten alǵash ret tolyǵymen jazylǵan oqıǵa osydan 12 jyl buryn tirkelgen edi.
«London qalasynda AITV dıagnozy qoıylǵan emdelýshi jarty jyl boıy vırýsqa qarsy terapııadan ótpegen. ıAǵnı, em toqtatylǵan. Bul kem degende uzaq remıssııany nemese onyń aýrýdan tolyq jazylǵanyn kórsetedi» dep jazady basylym. Degenmen, maqala avtorynyń jazýyna qaraǵanda, buqaralyq ári qoljetimdi, tıimdi terapııa týraly aıtýǵa áli erterek.
«2007 jyly Tımotı Braýn esimdi Berlın turǵyny AITV-dan tolyǵymen jazylǵan bolatyn. Odan keıin de dárigerler osyndaı nátıjege qansha talpynǵanymen, vırýsty jeńý múmkin bolmaǵan edi», dep jazady avtor.
