AITV-ny qasaqana juqtyrý deregine qatysy barlar izdestirilip jatyr

ASTANA. KAZINFORM — Іshki ister mınıstriniń orynbasary Sanjar Ádilov Atyraýda AITV-ny qasaqana juqtyrdy degen kúdikke ilingendiń isine qatysty túsinik berdi. 

— Atyraý oblystyq polıtsııa departamentiniń uıymdasqan qylmysqa qarsy kúres basqarmasynyń qyzmetkerleri AITV-ny qasaqana juqtyrý deregin anyqtady. Kúdikti sot sanktsııasymen eki aıǵa qamaýǵa alyndy. Tergeý amaldary jalǵasyp jatyr, — dedi Sanjar Ádilov Parlament Májilisinde tilshiler suraǵyna jaýap bere otyryp.

Onyń aıtýynsha, qazir osy qylmysqa qatysy bolýy múmkin basqa da adamdardy anyqtaý boıynsha tergeý sharalary júrip jatyr.

Eske salsaq, jaqynda Atyraýda AITV-ny qasaqana juqtyrdy degen kúdikpen eki adam ustaldy. Olar 2025 jyldyń jeltoqsan aıynan bastap ózderinde AITV ınfektsııasynyń bar ekenin bile tura, arnaıy medıtsınalyq esepte turǵanyna qaramastan, transgender adam retinde aqyly ıntımdik qyzmet kórsetýdi jalǵastyrǵan.