AITV-men kúres úshin dárigerler frantsýz mamandarymen birikken joba ázirlep jatyr
ALMATY. QazAqparat - Qazaqstandyq mamandar Frantsııanyń Ulttyq zertteý agenttiginiń zertteýshilerimen birge medıtsınalyq statıstıkalyq málimetterdi zamanaýı tehnologııalarmen óńdeý negizinde AITV aldyn alý, dıagnostıkalaý jáne emdeýdi jetildirýge baǵyttalǵan ortaq joba ázirleýge kiristi, dep habarlaıdy QazAqparat tilshisi.
«Frantsýz zertteýshileriniń AITV-ınfektsııasyn anyqtaý jáne monıtorıngteýde úlken tájirıbeleri bar. Qoǵamdyq densaýlyq saqtaýdaǵy olardyń progressıvtik tásilderi, jańa quraldary, ınterventsııalary, ádisteri eldegi indettiń taralý jyldamdyǵyn tómendetýge jáne ony baqylaýda ustaýǵa aıtarlyqtaı áser etti. Sol sebepti, Qazaqstannyń JITS qyzmeti frantsýz mamandarymen birlese jumys jasaýdy maqul kórdi», - dedi JITS-tyń aldyn alý jáne oǵan qarsy kúres jónindegi respýblıkalyq ortalyǵynyń bas dırektory Baýyrjan Baıserkın.
Mamandardyń aıtýynsha Frantsııanyń AITV jaǵdaılaryna elektrondyq baqylaý jasaý júıesiniń ınnovatsııalandyrýy nátıjesinde úlken jetistikke jetken.
Osy maqsatta Qazaqstanda da AITV-ınfektsııasyn anyqtaýdyń jańa zamanaýı epıdemıologııalyq tásilderin engizý qajettiligi týyp otyr.
Osy maqsatta JITS jáne vırýstyq gepatıtter salasyndaǵy Ulttyq zertteý agenttiginiń dırektory Domınık Kostaglıola bastaǵan frantsýzdyq zertteýshiler toby Qazaqstanǵa keldi.
Frantsýzdyq zertteýshiler Astana qalasynda QR Densaýlyq saqtaý mınıstrliginiń Medıtsınalyq kómekti uıymdastyrý departamentiniń dırektory Laýra Ahmetnııazovamen kezdesti.
Frantsýzdyq delegatsııa Astana jáne Almaty qalalarynyń JITS ortalyqtarynyń, úkimettik emes uıymdardyń - AITV-men ómir súretin adamdardyń Qazaqstandyq Odaǵynyń jumystarymen tanysty.
