AITV-ǵa shaldyqqandardy tegin emdeý kólemi eki esege artady
ASTANA. QazAqparat - "SK-Farmatsııa" JShS basqarma tóraǵasy Nurjan Álibaevtyń sózine qaraǵanda, aǵymdaǵy jyly ıÝNISEF-pen aradaǵy kelisimniń negizinde bir mıllıard teńgege 11 emdeý preparaty satyp alyndy, dep xabarlaıdy QazAqparat tilshisi.
"Buǵan deıin atalǵan dárilerdi satyp alýǵa 4 mlrd. teńgeden astam aqsha qajet bolǵan. Al ıÝNISEF arqyly biz em-domdy tıimdi baǵamen alyp, AITV-ǵa shaldyqqan azamattardy emdeý kólemin 6 myń adamnan 13 myńǵa deıin jetkize alamyz. Máselen, byltyr naýqastardyń 42 paıyzy tegin dári-dármekpen qamtylsa, endigi jyly ol kórsetkish 80-85 paıyzǵa artady dep nyq senimmen aıta alamyz" , - deıdi N.Álibaev.
Aıta keteıik, búgin Ortalyq kommýnıkatsııalar qyzmetinde ótken baspasóz máslıxatynda kompanııa basshysy kelesi jylǵa arnalǵan dári-dármekterdiń 95 paıyzy satyp alyndy dep málimdedi. Onyń aıtýynsha, kelesi jyldyń dári-dármekterin aldyn ala satyp alýdyń arqasynda 11,7 mlrd. teńge únemdeldi.
"SK-Farmatsııa" JShS negizgi maqsaty - tegin medıtsınalyq kómekke kiretin dári-dármekterdi satyp alyp, densaýlyq saqtaý mekemelerine jetkizý. Osylaısha, biryńǵaı operator qurýdyń arqasynda bıýdjet qarajaty únemdelip otyrady.
