AITU: Ulttyq messendjerdiń jańa múmkindikteri

ASTANA.KAZINFORM – AITU qosymshasy ulttyq messendjer mártebesine ıe boldy. Bul týraly Ortalyq kommýnıkatsııalar qyzmetinde ótken baspasóz máslıhatynda QR Tsıfrlyq damý, ın»novatsııalar jáne aeroǵarysh ónerkásibi vıtse-mınıstri Mýn Dmıtrıı Andreevıch málimdedi.

а
Коллаж: Kazinform

Onyń aıtýynsha, qosymshanyń qaýipsizdigine qatysty týyndaǵan alańdaýshylyqtar negizsiz emes.

Jelide alaıaqtardyń qosymshaǵa qol jetkizip, qylmystyq maqsatta paıdalanǵany týraly aqparattar taraǵan. Alaıda bul qaýip tek AITU-ǵa ǵana emes, ózge messendjerlerge de ortaq.

– Alaıaqtar túrli messendjerlerdi buzýǵa tyrysady. Mundaı jaǵdaılar WhatsApp pen Telegram-da da kezdesedi. AITU-dyń artyqshylyǵy onda bıometrııalyq sáıkestendirý fýnktsııasy engizilgen. Bul qosymshany qaýipsiz etýdiń bir joly. Aqparattyq qaýipsizdik salasynda jumystar jalǵasady, – dedi vıtse-mınıstr.

Aktsıonerlik qurylymǵa qatysty da naqty jaýap berildi. Búginde AITU messendjeriniń ıeleri – «Qazaqtelekom» jáne BTS kompanııasy. Qosymshanyń barlyq ınfraqurylymy Qazaqstan aýmaǵyndaǵy «Qazaqtelekom» serverlerinde ornalasqan.

Sonymen qatar, memlekettik qyzmetshilerge arnalǵan jeke nusqasyn ázirleý jospary bar ekeni belgili boldy.

– Qazirgi tańda AITU jalpy qoldanystaǵy qosymsha. Memlekettik qyzmetshiler de ony paıdalanyp jatyr. Biz olarǵa yńǵaıly bolý úshin keri baılanysty jınap, jetildirý jumystaryn júrgizip kelemiz. Aldaǵy ýaqytta memlekettik qyzmetshilerge arnalǵan jeke nusqasyn ázirleý múmkindigin qarastyramyz. Bul nusqa, múmkin, «Qazaqtelekomda» emes, ózge tıisti memlekettik kompanııanyń balansynda bolýy yqtımal, – dep túsindirdi Dmıtrıı Mýn.

Sonymen birge, azamattardyń ınternetsiz jaǵdaıda da baılanysyp, memlekettik qyzmetterdi alý múmkindigin qarastyrý boıynsha baılanys operatorlarymen jumys júrgizilip jatyr.

– Qazir operatorlarmen ózara is-qımyl formatyn pysyqtap jatyrmyz. Negizgi maqsat azamatta ınternet bolmasa da, ol baılanysyp, keıbir memlekettik qyzmetterdi qoldana alatyndaı etý. Bul úshin qosymshada keıbir fýnktsııalar ınternetsiz de jumys isteıtin bolady. Degenmen bul barlyq qyzmet túrlerine emes, tek shekteýli bóligine qatysty bolady, – dedi ol.

Buǵan deıin, Aitu messendjerin aı saıyn 500 myńǵa jýyq adam paıdalanatynyn jazǵanbyz.

Сейчас читают