AITU PASS arqyly jasalǵan alaıaqtyqqa baılanysty BTS kompanııasy pikir bildirdi

ASTANA.KAZINFORM – Áleýmettik jelilerde AITU PASS júıesin paıdalanyp jasalǵan alaıaqtyq áreketteri týraly beınematerıal taralyp jatyr. Atalǵan jaǵdaıǵa qatysty Kazinform tilshisi mán-jaıdy anyqtaýǵa tyrysty.

BTS Digital kompanııasy bul máselege baılanysty resmı túsinikteme berip, qazirgi tańda fıshıng ıaǵnı, alaıaqtyq SMS-habarlamalar men elektrondyq hattar jiberý búkil álem boıynsha keń taralǵan aldaý tásilderiniń biri ekenin atap ótti.

Kompanııa ókilderiniń aıtýynsha, mundaı áreketterdiń aldyn alý maqsatynda paıdalanýshylarǵa óz jeke kabınetterinde kópfaktorly aýtentıfıkatsııany qosý usynylady. Bul qyzmetti kelesi silteme arqyly baptaýǵa bolady.

– Mańyzdysy – Aitu Passport arqyly bultty ETsQ alý nemese qujattarǵa qol qoıý kezinde kópfaktorly aýtentıfıkatsııa mindetti túrde talap etiledi. ıAǵnı, tek SMS-kod jetkiliksiz – paıdalanýshy mindetti túrde bıometrııalyq sáıkestendirýden ótýi qajet. Onsyz ETsQ alý múmkin emes, – delingen kompanııa málimdemesinde.

Sondaı-aq, kompanııa habarlamalarynda paıdalanýshyǵa keletin SMS-habarlamada kodty úshinshi tulǵalarǵa berýge bolmaıtyny árdaıym naqty kórsetiletini aıtyldy.

– Biz qosymsha qorǵanys mehanızmderin engizý baǵytynda turaqty jumys júrgizip jatyrmyz. Paıdalanýshylarǵa alaıaqtardan saq bolýdy jáne eshqashan kodtardy bógde adamdarǵa bermeýdi qatań túrde eskertemiz, – dep qorytyndylady BTS Digital ókilderi.

Buǵan deıin AITU: Ulttyq messendjerdiń jańa múmkindikteri jaıly jazǵan edik.