Aitu ekojúıesin aı saıyn qansha adam paıdalanady

ASTANA. KAZINFORM – Úkimettiń keńeıtilgen otyrysynda Memleket basshysy Qasym-Jomart Toqaev Aitu messendjerin engizý jumystaryn qatań synǵa alǵan edi. 

 Sońǵy alty aıdaǵy derekter boıynsha ekojúıe servısterin kúndelikti 190 myńǵa deıin adam paıdalanady.

– Bıyl qańtarda Aitu arqyly 2 mln-nan astam mátindik habarlamalar jiberilgen, 180 myńnan astam medıa-faıl (foto jáne vıdeo) almasylǵan, habarlamalarǵa shamamen 150 myń reaktsııa qoıylǵan, 24 myńnan astam daýystyq qońyraý jasalǵan, 21 myń daýystyq habarlama jiberilgen jáne 6 500-den astam chat toptary qurylǵan, – dedi BTS Digital kompanııasynyń resmı ókili Kazinform tilshisiniń saýalyna.

Sonymen qatar atalǵan kompanııa platformadaǵy kanaldardyń sany da artyp keledi: Qazaqstan taqyrybyna, jańalyqtarǵa, qoǵamdyq ómir men sportqa arnalǵan kanaldar belsendi túrde iske qosylyp, búgingi tańda olardyń jalpy sany 42 000-nan asty dep atap ótti.

Eske sala keteıik, Qazaqstandyq tsıfrlyq naryqtaǵy messendjerler básekesi dástúrli sheteldik kóshbasshylardyń yqpalymen ǵana emes, sonymen birge jergilikti IT ónimderdiń damýy arqyly da erekshelenip jatyr. Solardyń biri – AITU messendjeri. Joba Qazaqstannyń tsıfrlyq egemendigin nyǵaıtýǵa jáne ishki naryqta jańa ekojúıe qalyptastyrýǵa baǵyttalǵan.

Aıta keteıik, 10 aqpanda Úkimettiń keńeıtilgen otyrysynda Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev atqarylǵan jumystar týraly baıandama jasady.