Airbus ushaqtaryna qatysty jaǵdaıǵa baılanysty Call-ortalyq iske qosyldy
ASTANA. KAZINFORM — Air Astana jáne FlyArystan reısteriniń keshigýi kezinde jolaýshylarǵa kómek kórsetý maqsatynda jedel Call-ortalyq táýlik boıy jumys isteıtin bolady, dep habarlaıdy Azamattyq avıatsııa komıteti.
Komıtettiń aqparatyna sáıkes, qazir ınjenerlik qyzmetter Air Astana jáne FlyArystan áýe kompanııalarynyń KC 931 jáne FS 7063 reısterine tartylǵan eki ushaqta baǵdarlamalyq qamtamasyz etýdi jańartty.
— Qalǵan áýe kemelerinde jańartý jumystary josparly kezeń-kezeńimen jalǵasyp jatyr jáne jýyq arada tolyq aıaqtalady. Barlyq protsedýralar Airbus ushý jaramdylyǵy jónindegi dırektıvasyna qatań sáıkestikte, áýe kompanııalar mamandarynyń, Azamattyq avıatsııa komıteti men Qazaqstannyń avıatsııalyq ákimshiliginiń tikeleı baqylaýymen júrgiziledi. Barlyq qyzmetter táýlik boıy jumyldyrylyp, jańartý protsesin múmkindiginshe tez aıaqtaý jáne áýe qaýipsizdigin tolyq qamtamasyz etý baǵytynda jumys istep jatyr. Ushý qaýipsizdigi — basty basymdyq. Júrgizilip jatqan jumystar áýe kemeleriniń qaýipsizdigin arttyrýǵa baǵyttalǵan, — dep túsindirdi vedomstvo.
Azamattyq avıatsııa komıteti jáne Qazaqstannyń avıatsııalyq ákimshiligi birlesip, reısterdiń keshigýi kezinde jolaýshylarǵa kómek kórsetý maqsatynda táýlik boıy jumys isteıtin jedel Call-ortalyqty iske qosty.
Reıs boıynsha qajetti aqparat alý úshin jolaýshylarǵa tómendegi baılanys nómirlerine habarlasý usynylady:
Air Astana: +7 (727-24) 4-44-77, +7 (717-25) 8-44-77, +7 (702-70) 2-44-77
FlyArystan: +7 727 331 1010 (WhatsApp: +7 (702-70) 2-02-27
SCAT: +7 (725-29) 9-88-80
Qazaq Air: +7 (727-35) 6-14-14
«Qazaqstannyń avıatsııalyq ákimshiligi» AQ: +7 (717-27) 9-82-13
«Nursultan Nazarbaev halyqaralyq áýejaıy» AQ: +7 (717-27) 0-29-99
«Almaty halyqaralyq áýejaıy» AQ: +7 (727-22) 8-00-19
Jolaýshylarǵa reısteriniń sońǵy mártebesin ushý aldynda áýe kompanııalardyń resmı saıttarynan tekserip otyrý usynylady.
Budan buryn Airbus ushaqtaryndaǵy baǵdarlamalyq jasaqtama jańartýy ushý kestesine áser etip, reısterdiń kidirýine sebep bolýy múmkin ekeni aıtyldy.