Airbus «qara jáshigin» izdeý búgin tolqynnyń kúshti bolýy sebebinen toqtatyldy
ASTANA. QazAqparat - ıAva teńizinde apatqa ushyraǵan Air Asia avıakompanııasy ushaǵynyń «qara jáshigin» izdeý juma kúni keshte tolqyndardyń kúshti bolýy sebepti toqtatyldy, dep habarlady Rosbalt.
«Tolqynnyń kúshti bolýy sebepti izdeý teńiz sabasyna túskenshe toqtatyldy», - dep málimdedi Indonezııa Ulttyq izdeý-qutqarý basqarmasynyń jedel dırektory Sýprııadı.
Ol Indonezııanyń Ulttyq kóliktegi qaýipsizdik komıtetiniń «qara jáshikti» izdeý mindeti júktelgen sarapshylary qazir operatsııaǵa qatysyp jatqan kemelerdiń birinde ekenin atap ótti.
Ushaq synyqtaryn izdestirýdi kúrdelendirip otyrǵan taǵy bir jaǵdaı, 1942 jyly osy jerde Ekinshi dúnıejúzilik soǵystyń iri shaıqastary bolǵan, qutqarýshylar sol kezden qalǵan jádigerlikterdi tabýda.
ıAva teńizi 1942 jylǵy aqpan jáne naýryz aılaryndaǵy Ekinshi dúnıejúzlik soǵys kezindegi teńiz shaıqastarynda Odaqtastar úshin qymbatqa tústi. Nıderlandy, Ulybrıtanııa, Avstralııa jáne AQSh kemelerinen turatyn ABDA Áskerı-Áýe kúshteri ıAvany japondyq shabýyldardan qorǵaý kezinde tolyq derlik joıyldy.
Odaqtastar kúshteri barlyǵy segiz áskerı kemelerinen jáne keminde 2300 teńizshisinen, al japondyqtar eki esmınetsi men 36 teńizshisinen aıyryldy.
