Airbus álemdegi eń jyldam tikushaqty patenttedi

ASTANA. QazAqparat - Airbus kompanııasy álemdegi eń jyldam ushatyn tikushaqqa patent aldy. Áýe kemesinde negizgi tikushaqqa tán ebelekke qosymsha artqa qaraı baǵyttalǵan eki propeller qarastyryldy.

Qosymsha propellerdi 2 270 attyń kúshi bar Rolls Royce Turbomeca RTM322 qozǵaltqyshy aınaldyrady.

«Gıperkopter» qazirgi kezde Airbus jasap jatqan Eurocopter X3 tikushaǵy jobasynyń jalǵasy bolýy ábden yqtımal. Jarııalanǵan qujattarǵa sáıkes, jańa tikushaqtyń ushý jyldamdyǵy saǵatyna shamamen 470 shaqyrym.

Qazirgi kezde álemdegi eń jyldam tikushaqtar - Boeing CH-47 Chinook (saǵatyna 315 shaqyrymǵa deıin) jáne Mı-24 (saǵatyna 370 shaqyrym). Eurocopter X3 2013 jyly saǵatyna 487 shaqyrymǵa deıingi jyldamdyqqa jete aldy.