Airbus-320 ushaǵynyń ushý-qoný jolaǵynan nege shyǵyp ketkeni belgili boldy
ASTANA. QazAqparat - Ótken jyldyń mamyrynda Airbus-320 áýe kemesi «Nursultan Nazarbaev» halyqaralyq áýejaıyna qonǵannan keıin jasandy ushý-qoný jolaǵynan shyǵyp ketken bolatyn. Oqys oqıǵany tekserý aıaqtaldy, dep habarlaıdy QazAqparat tilshisi.
«Qazaqstan Respýblıkasy Indýstrııa jáne ınfraqurylymdyq damý mınıstrliginiń tekserý jónindegi komıssııasy 2018 jylǵy 22 mamyrda «Eır Astana» AQ paıdalanýyndaǵy Airbus-320 áýe kemesiniń «Nursultan Nazarbaev» halyqaralyq áýejaıyndaǵy jasandy ushý-qoný jolaǵynan shyǵyp ketýine baılanysty avıatsııalyq oqys oqıǵany tekserýdi aıaqtady», - delingen atalǵan vedomstvo habarlamasynda.
Mınıstrlik málimetinshe, avıatsııalyq oqys oqıǵanyń basty sebebi - ushaqtyń 311o-ke deıingi baǵyttyq mánde ári búıirden sekýndyna 22 metr jyldamdyqpen qatty jel soǵyp turǵan kezde qonýy. Airbus-320 qonǵannan keıin jyldamdyqty sekýndyna 6 metrge deıin kúrt tómendetken. Sondyqtan, búıirden soqqan qatty jeldiń ornyn toltyrý úshin qurastyrylǵan ushaq (22 m/s deıin) jel jyldamdyǵynyń kúrt azaıýy jaǵdaıynda (6 m/s deıin) jasandy ushý-qoný jolaǵynyń osinen ońǵa qaraı burylǵan. Ekıpaj ushaqty basqara almaı, áýe kemesi jasandy ushý-qoný jolaǵynan shyǵyp ketken.
Eske salaıyq, ótken jyly «Nursultan Nazarbaev» áýejaıynda «Eır Astana» áýekompanııasynyń Shymkent - Astana baǵytyndaǵy ushaǵy qonǵannan keıin ushyp-qoný jolaǵynan shyǵyp ketken edi. Ushaq ishinde 106 adam bolǵan,
