AirAsia ushaǵy apatqa ushyraǵan jerden 30 adamnyń denesi tabyldy
ASTANA. QazAqparat - Malaızııalyq AirAsia ushaǵy apatqa ushyraǵan ıAva teńizi mańaıynan qutqarýshylar 30 adamnyń denesin tapty, dep habarlaıdy VVS.
Esterińizge sala keteıik, 28 qańtar kúni áýe dıspetcherlik qyzmeti Malaızııanyń Air Asia áýe kompanııasynyń ındonezııalyq Sýrabaıa qalasynan Sıngapýrge ushyp shyqqan ushaǵymen baılanysty 40 mınýttan keıin joǵaltyp alǵan.
Áýe kóliginiń ishinde 162 adam bolǵan, olardyń arasynda Koreıa Respýblıkasynyń úsh azamaty, bir sıngapýrlyq azamat jáne Malaızııanyń bir turǵyny bolǵan, qalǵan 157-si - Indonezııanyń azamattary. Oqıǵa ornynan ushaqty tabýǵa kómektesetin arnaıy qurylǵy ákelindi. Apat bolǵan jerde qatty tolqyn bolýy saldarynan 30 metr tereńdikke qulaǵan ushaqty izdestirý jumystary juma kúni keshke toqtatylǵan bolatyn. Kún raıy jaqsy bolysymen frantsýz sarapshylary «qara jáshikti» izdeý jumystaryna kirisedi.
