«AirAsia» kompanııasy ushaǵyn izdeý aýdany shyǵysqa qaraı keńeıtildi
ASTANA. QazAqparat - Apatqa ushyraǵan AirAsia kompanııasynyń ushaǵyn izdestirý aımaǵy ıAvan teńiziniń shyǵysyna qaraı keńeıtildi. Bul týraly Malaızııanyń Áýe-teńiz qorǵanysy qolbasshysy Abdýl Azız Djafar habarlady, dep jazady TASS.
Onyń aıtýynsha, basty baqylaý jumystary sý asty izdeý sharalaryna aýdarylǵan, óıtkeni qutqarýshylar «qara jáshik» jatqan mańaıdy boljady. Alaıda, aýa raıynyń turaqsyzdyǵy izdeý jumystaryn qıyndatyp otyr. Qutqarýshylar keshe apattan qaza bolǵan 4 marqumnyń múrdesin shyǵardy. Munymen tabylǵan qurbandardyń sany 34-ke jetti. Sarapshylardyń aıtýynsha, jolaýshylar múrdesi teńiz túbinde, 30 metr tereńdikte jatqan ushaq korpýsynda qalýy múmkin. AirAsia kompanııasynyń ushaǵy áýege kótirilgennen keıin 40 mınýttan soń Kalımantan (Borneo) araly aýdanynda radardan joǵalyp ketken. Ushaq bortynda 155 jolaýshy, jeti ekıpaj múshesi bolǵan.
