AirAsia áýekompanııasy ushaǵynyń 4 iri synyǵy tabyldy
ASTANA. QazAqparat - AirAsia áýekompanııasy ushaǵy apatqa ushyraǵan jerdi izdeý kezinde ushaqtyń tórt iri synyǵy tabyldy. Bul týraly Indonezııanyń Qorǵaý jáne izdeý agenttiginiń jetekshisi Bambang Soelıstı habarlady.
Ushaq synyqtaryn zertteý úshin súńgýir qaıyqtar men súńgýirler jumyldyrylǵan. Jumysqa qatty jel men asaý tolqyn bóget keltirip otyr.
Qutqarýshylar toby ushaqty izdeý barysynda oqıǵa ornynan 30 adamnyń múrdesin tapty.
Indonezııanyń Sýrabaıa qalasynan Sıngapýrǵa baǵyt alǵan Airbus A320 ushaǵynyń bortynda 162 adam bolǵan. Jolaýshylardyń 3-eýi ońtústikkoreıalyq, 1-eýi brıtandyq, 1-eýi malaızııalyq, 1-eýi sıngapýrlik, al qalǵan 157-si Indonezııa turǵyndary eken.
Bul týraly bbc habarlaıdy.
