AirAsia áýe kompanııasy lıtsenzııasynan aıyryla ma?
ASTANA. QazAqparat - Kelesi dúısenbiden bastap Indonezııanyń kólik mınıstrligi AirAsia áýe kompanııasynyń reıster kestesin tekseretin bolady. Bul týraly vedomstvonyń ókili Djoko Mýrjamodjoǵa 24.kz siltememen habarlady.
«Biz dúısenbi kúni kompanııanyń barlyq reıster júıesin tekseretin bolamyz», - dep keltiredi Djoko Mýrjamodjonyń sózin Reıter agenttigi.
Sonymen qatar vedomstvo ókili keleshekte AirAsia kompanııasynyń Indonezııada ushýǵa ruqsat etiletin lıtsenzııasynan aıyrylyp qalýy múmkin ekendigin habarlady. Al BAQ ókilderine kompanııa prezıdenti Sýný Vıdıatmoko tekserý kezinde óziniń de olarǵa kómektesetindigin aıtty.
Indonezııa bıligi AirAsia áýe kompanııasyna apatqa ushyraǵan laınerdiń baǵyty boıynsha ushýǵa tyıym saldy. Azamattyq avıatsııa basqarmasynyń habarlaýynsha, tergeý jumysy aıaqtalmaıynsha, atalǵan uıymnyń áýe kemelerine Sýrabaıa-Sıngapýr baǵytyna saparǵa shyǵýyna shekteý qoıyldy.
