AirAsia áýe kemesi ushqyshtarynyń múrdeleri tabyldy
ASTANA. QazAqparat - Indonezııa qutqarýshylary AirAsia kompanııasynyń apatqa ushyraǵan áýe kemesiniń eki ushqyshynyń múrdesin tapty, dep habarlaıdy Detik.com portalynan.
Ushqyshtardyń múrdeleri ushaqtyń kabınasynda jatty. Buǵan deıin kapıtan óz ornynan apatqa deıin ketip, basqarýdy ekinshi ushqyshqa tapsyrǵany týraly habarlanǵan. Múrdelerdiń ornalasýy bul boljamdy rastamaıdy. Malaızııanyń Air Asia kompanııasynyń Airbus A320-200 ushaǵy Sýrabaıdan Sıngapýrǵa ushyp, radarlar nazarynan 28 jeltoqsan kúni joǵalyp ketken. Áýe kemesinde 162 adam boldy. Sońǵy málimetter boıynsha, qazirgi kezde qaza tapqan 98 adamnyń múrdesi tabyldy.
