Air Kazakhstan kompanııasy Bombardier kompanııasynan Q400 NextGen markaly 10 ushaq alady
ASTANA. QazAqparat - Air Kazakhstan kompanııasy Bombardier Aerospace kompanııasynan Q400 NextGen markaly 10 ushaq satyp aldy. Bul týraly búgin Astanada Bombardier Aerospace kompanııasy atalǵan ushaqty tanystyrý kezinde Air Kazakhstan kompanııasynyń prezıdenti Nurjan Shákirov.
«Biz Bombardier Aerospace kompanııasynan Q400 NextGen markaly 10 ushaq satyp aldyq. Árqaısysy 23 mln dollardan. Biz olardy lızıng arqyly tóledik. Ushaqtardy elimizge ákelý kezeń kezeńimen iske asyrylady. Aldymen 2015 jyldyń naýryz-sáýir aılarynda 5-6 ushaq keledi. Sol kezden bastap olar elimizdiń aspanynda usha bastaıdy»,- dedi ol.
Al Bombardier Commercia Aircraft kompanııasynyń vıtse-prezıdenti Roı Djonstyń aıtýynsha, atalǵan ushaqtar ushaqtardyń bolashaq býyny dep atalýǵa ábden laıyq jáne Orta Azııa elderinde ushýǵa óte yńǵaıly. «Q400 NextGen ushaǵy Orta Azııanyń barlyq óńirlerine jaqsy keledi. Ol 50 gradýs ystyqta da 50 gradýs aıazda da synaqtan ótken. Sonymen qatar ushaq únemdiligimen de, qaýipsizdigimen de belgili», - deıdi ol.
