Air India ushaǵynyń apatyna qatysty qara jáshiktegi derekter sátti alyndy
NЬıÝ-DELI. KAZINFORM — 12 maýsym kúni apatqa ushyraǵan Air India áýe kompanııasynyń ushaǵynyń qara jáshikterinen málimetter sátti túrde alyndy. Bul týraly Úndistannyń Azamattyq avıatsııa mınıstrligine silteme jasap New Indian Express basylymy habarlady, dep jazdy Anadoly.
Mınıstrliktiń málimetinshe, tergeý toby qara jáshikterden «jad modýline» sátti túrde qol jetkizip, aqparatty qaýipsiz túrde oqyp shyqqan. Qazirgi tańda taldaý jalǵasyp jatyr. Ol apatqa sebep bolǵan oqıǵalar tizbegin qalpyna keltirýge, oǵan áser etken faktorlardy anyqtaýǵa jáne avıatsııalyq qaýipsizdikti nyǵaıtýǵa baǵyttalǵan.
Eske sala keteıik, apattan keıin birneshe kún ishinde qara jáshikter tabylǵan bolatyn.
AI171 reısimen ushqan jolaýshylar ushaǵy Ahmadabadtaǵy Sardar Vallabhaı Patel atyndaǵy halyqaralyq áýejaıynan Londondaǵy Gatvık áýejaıyna baǵyt alǵan. Alaıda ushyp shyqqannan kóp uzamaı, Meganı-Nagar turǵyn aýdanyna qulap, apatqa ushyrady.
Apat saldarynan ushaq bortyndaǵy 229 jolaýshy men 12 ekıpaj múshesi, sondaı-aq jerde bolǵan 29 adam qaza tapty.
Ushaq apatynan mer bolǵandardyń naqty sany DNQ saraptamasynan keıin jarııalanatyny aıtylǵan edi.