Air India apaty: 242 jolaýshynyń bári qaza tapty

NЬıÝ-DELI. KAZINFORM — Air India áýe kompanııasynyń Úndistanda apatqa ushyraǵan ushaqtyń bortynda bolǵan 242 adamnyń bári qaza tapqan bolýy múmkin. Bul týraly The Associated Press agenttigine Úndistan polıtsııasynyń ókili habarlady, dep jazdy TASS.

— Áýe apatynan tiri qalǵandar joq sııaqty, — dedi polıtsııa ókili.

Onyń aıtýynsha, ushaq keńseleri bar turǵyn aýdanda qulaǵan. 

Sol mańdaǵy keıbir jergilikti turǵyndar da qaza tapqan bolýy múmkin, — dep qosty ol.

Buǵan deıin Úndistan polıtsııasy Air India ushaǵy dárigerlerge arnalǵan jataqhana ǵımaratyna qulaǵanyn habarlaǵan bolatyn.

Eske sala keteıik, Air India áýekompanııasynyń Boeing 787 Dreamliner ushaǵy Ahmedabad qalasyndaǵy Sardar Vallabhbhaıa Patela halyqaralyq áýejaıynan ushyp shyqqannan keıin kóp uzamaı apatqa ushyrady.

Ahmadabadtan 13:38–de kóterilgen Boeing 787-8 ushaǵynyń bortynda 242 jolaýshy men ekıpaj músheleri bolǵan. Olardyń 169-y Úndistan azamaty, 53-i Ulybrıtanııa azamaty, bireýi Kanada azamaty jáne jeteýi Portýgalııa azamaty bolǵany habarlandy.

QR Syrtqy ister mınıstrligi Air India ushaǵynyń apatynan qaza tapqan nemese zardap shekken Qazaqstan azamattary týraly aqparat túspegenin habarlady.

Qazaqstan Prezıdenti Úndistan Premer-mınıstrine kóńil aıtý jedelhatyn joldady.