Air India apaty: 204 adamnyń máıiti tabyldy

NЬıÝ-DELI. KAZINFORM — Úndistandaǵy ushaq apaty bolǵan jerde 200-den astam máıit tabyldy, dep jazdy TASS.

Olardyń arasynda qulaǵan ushaq jolaýshylary sondaı-aq oqıǵa kezinde sol aýmaqta bolǵan adamdar da bolýy múmkin ekeni habarlandy.

Úndistannyń batysynda Air India áýekompanııasynyń ushaǵy qulaǵan jerde 204 adamnyń máıiti tabylǵany týraly Reuters agenttigi polıtsııaǵa silteme jasap habarlady.

Buǵan deıin polıtsııa ushaq turǵyn úı aımaǵyna qulaǵanyn habarlaǵan edi. Oqıǵa bolǵan aýmaqta medıtsınalyq kolledjdiń jataqhanasy men shtattyq aýrýhana qyzmetkerleriniń jatyn orny, ózge de ǵımarattar bar.

Shamamen 50 adam jaraqat alyp, 5 adam qaza tapty.

Eske sala keteıik, Air India áýekompanııasynyń Boeing 787 Dreamliner ushaǵy Ahmedabad qalasyndaǵy Sardar Vallabhbhaıa Patela halyqaralyq áýejaıynan ushyp shyqqannan keıin kóp uzamaı apatqa ushyrady.

Ahmadabadtan 13:38–de kóterilgen Boeing 787-8 ushaǵynyń bortynda 242 jolaýshy men ekıpaj músheleri bolǵan. Olardyń 169-y Úndistan azamaty, 53-i Ulybrıtanııa azamaty, bireýi Kanada azamaty jáne jeteýi Portýgalııa azamaty bolǵany habarlandy.

QR Syrtqy ister mınıstrligi Air India ushaǵynyń apatynan qaza tapqan nemese zardap shekken Qazaqstan azamattary týraly aqparat túspegenin habarlady.

Qazaqstan Prezıdenti Úndistan Premer-mınıstrine kóńil aıtý jedelhatyn joldady.

Aldyn-ala málimet boıynsha Air India ushaǵynda bolǵan 242 jolaýshynyń bári qaza tapqany habarlandy.