Air France ushaǵy isten shyqqan dárethanalardyń kesirinen Atlantıkany kesip óte almady
ASTANA. Shildeniń 14-i. QazAqparat - Air France kompanııasynyń jolaýshy tasıtyn áýe laıneri Rıo-de-Janeıro áýejaıyna eriksiz qonýǵa májbúr boldy. Bul týraly «Maıak» radıostansasy habarlady.
Ushaq Parıjge bet alyp bara jatqan edi, degenmen ushýdyń besinshi saǵatynda áýe kemesiniń ekıpajy keme ishinde dárethanalardyń buzylyp qalýyna baılanysty, ushaqty Rıo-de-Janeıro áýejaıyna qondyrýǵa májbúr boldy. Ushqyshtar buzylǵan dárethanalarmen Atlantıka muhıty arqyly 12 saǵattyq ushýǵa júrekteri daýalamaǵan syńaıly.
Rıo-de-Janeıroǵa qonǵannan keıin jolaýshylarǵa qala qonaq úılerinen bólmeler bólinip, qonyp shyǵýǵa barlyq jaǵdaılar jasaldy. Habarlanǵandaı, olardyń Parıjge qalaıda jetýi úshin qosymsha reıs uıymdastyrylady: frantsýz astanasyna olar qosymsha bortpen ushyp ketpek.
Óz kezeginde, dárethanalary isten shyqqan áýe laıneri turaqqa jetkizilip, mamandar aqaýdyń neden bolǵanyn anyqtaý ústinde.
